«داود خداکرمی»یه اتحاف

قوروقچو

ائیواز بیات

قیشین شاختاسیندا

باغ‌لاری قار- قیروو بوروینده

ائل ییغیشیب بیر قوروقچو توتاردی.

اؤزگه‌لردن قوروماق

و قوردو- قوشو قووماق ایچن

آخی

هر بیر باغا بیر قوروقچو گرک‌دیر.

ائل ییغیشماسا دا

سن ائلینی ییغیشدیر.

آخی سن

آنا دیلی‌نین

کیملیگی‌نین قوروقچوسوسان.

کیملیگینی قوروماغا

الینده یالنیز قلمین اولموش اولسادا

دیره‌نیرسن،

یاشادیب و یاشاییرسان دیلینی.

سن ده ائلین قوروقچوسو.