اوتاغین ایستی هاواسیندا

پنجره دالیسین‌دان سنه باخیرام

و سن

نه گؤزل اویناییرسان حیاط‌دا

سویوق هاوانین پیچاق کیمی کسرلی زامانیندا.

هردن یاخینلاشیب

یئنه اوزاقلاشیرسان پنجره‌دن؛

         من دن.

سما رقصی ائدن‌لر کیمی هئئییییی فیرلانیرسان

آغ پالتارینلا

      سمادان گلیرسن.

نفسیمین ایستی‌سی شوشه‌نی بخارلادان زامان

یئریمی دئییشمه‌یه مجبور قالیرام

         سنی گؤرمه‌یه.

ای حیاطیمدا حیات یارادان

قار دنه‌سی

تانری‌دان قوپان گیله.

11/10/1390