چوبان ییلدیزی

یئنه کوچه‌لری دولاشماقدایام

هئی دولاشدیقجا باشیم قیزیشیر.

ایستی هاوادا

سویوق باخیش‌لار

گؤزوم‌دن باشلانیب یئره جومولور.

سؤزجوکلر فیکریم‌ده فیرتینا سالیب

هانسی اؤنم‌لی، هانسی اؤنده‌دیر؟

«سئوگی»، «آزادلیغا» یاناشی گلیر

«اینام»، «اؤزگورلوگ»ه یول گؤستره‌جک.

یئنه سرخوشام هر گونکو کیمی

«صاف صاف دولاشیرام تنهالاریمدا».

«یئنه سرخوشدو.

بیرآز ایچیب ده، باشی فیرلانیر»

گؤرن‌لر دئییر.

بلی البت کی، من بیر سرخوشام

آخی اوره‌ییمده بیر سئوگی واریم

آزادلیغی دا بیرآن دادمیشام

بتر دادلی دیر

آزادلیق سئوگی‌سی.

7/10/1390