ال‌لرین ال‌لریمه دیینجه

فلاکتیم اولوردو آغلاردیم

منی سئومیردین بیلیردیم

بیر سئودیگین واردی حس ائدردیم

چوپ کیمی بیر اوغلان، ایپ اینجه

فایداسیزین بیریدی فیکریمجه

نه زامان قارشیمدا گؤرسم

اؤلدوره‌جه‌ییمدن قورخاردیم

فلاکتیم اولوردو آغلاردیم

 

نه زامان «ماچکا»دان کئچسم

لیمان*‌دا هر زامان گمی‌لر اولوردو

آغاج‌لار قوش کیمی گولردی

بیر یئل عاغلیمی آلیردی

سسیزجه بیر سیگارا یاندیراردین

بارماق‌لاریمین اوجونو یاندیراردین

کیپریک‌لرینی اَیَردین باخاردین

اوشوردوم ایچیم دیسکینیردی

فلاکتیم اولوردو آغلاردیم

 

آخشام‌لار بیر رمان کیمی بیتردی

«ژیزابئل» قان ایچینده یاتاردی

لیمان‌دان بیر گمی گئدردی

سن قالخیب اونا گئدردین

بنزین موم کیمی گئدردین

صاباحا قدر قالیردین

فایداسیزین بیریدی فیکریمجه

گولدو مو جنازه‌یه بنزردی

هله سنی قول‌لارینا آلدی می

فلاکتیم اولوردو آغلاردیم.