آتشلر و آهنگلر/ آگوستینهو نئتو
شاعیر، طیب دوکتورو، «آنگولا» خالق جمهوریتینین ایلک دئولت باشقانی اولان آگوستینهو نئتو؛ 17 سپتامبر (ائیلول) 1922 ده آنگولانین باشکندی اولان «لواندا»نین گونئی باتیسینداکی «بئنگو» کندینده دوغولدو، 10 سپتامبر 1979 دا مسکو دا اؤلدو. نئتو دان بیر شعر چئویریسی:
یول استونده زنجیر شیقیلتیلاری،
قوشلارین ماهنیسی.
اورمانلارین ایسلاقلیغی آلتیندا،
هیندوستان جویزی آغاجلارینین
یوموشاق موسیقیسینین سرینلییی
آتشلر،
چیمنده آتش،
«کایات»ین «معدن»ه بنزر سیجاق یاپراقلاریندا
آتش.
اینسانلیغین بؤیوک کؤچلرینی
باغریندا داشییان
گئنیش کئچی یوللاری،
باغلی اوفوقلارا دوغرو
گئنیش کئچی یوللاری،
سیلاح زورویلا
آچیلمیش کئچی یوللاری.
«Foguerias»لار،
دانسلار
«تامتام»*لار
آهنگلر.
آیدینلیغین آهنگی،
رنگین آهنگی،
سسین آهنگی،
حرکتین آهنگی،
چیپلاق آیاقلارین
قانا بولاشمیش زنجیرلرین آهنگی
سؤکولموش دیرناقلارین آهنگی،
آهنگلر،
سونسوز آهنگلر،
ائی آفریقانین کدرلی سسی.
* تام تام: آفریقادا چالینان دؤهول
چئویرن: Eray CANBERK
عيوض بيات، 1360(ائيواز بايات)، زنگان.