بویورونجا هیتلر حضرت‌لری

ضررلی فیکیرلرله دولو کیتاب‌لارین یاندیریلماسینی

خالقین اؤنونده، میدان‌لاردا،

اؤکوزلر اودون میدان‌لارینا آرابا- آرابا کیتاب داشیدی.

گؤزدن دوشموش شاعیرلردن بیری،

هم ده لاب یاخشی‌لاریندان بیری،

گؤز گزدیررکن اودلاناجاق لیسته،

عاقلی باشیندان گئتدی:

اونودولموشدو اونون آدی.

تئز قاچاراق، گئتدی چالیشما اوتاغینا.

سانکی اؤفکه‌سیندن قانادلانمیشدی.

او ساعات بیر مکتوب یازدی زوربالارا*:

«منیمکی‌لری ده یاندیرین» دئدی. «منیمکی‌لری ده»!

ائله‌مزسینیز منه بو پیسلیگی،

قیراقدا بوراخمازسینیز منی!

من ده لاب گرچه‌یی سؤیله‌مه‌دیم می کیتاب‌لاریمدا؟

نه‌دن داورانیرسینیز منه یالانچییمیشام کیمی؟

یاندیرین منیمکی‌لری ده.

 

زوربا: گوج دئین، قول چوماقلی، مأمور.