واريم!

يازار: Alev Demir

كؤچورن: عيوض (ائيواز) بيات

 ۲ مین ایلینده سئوگي باغچاسي‌نين اؤدوللو ياريشماسيندا بيرينجي‌لييي آلان يازي.

ساعاتلاردير بيلگي‌سايارين باشيندا اوتوروردو، هله بکله‌دييي «مئيل» گلمه‌ميشدي. سيلکيندي. نئچه ساعات اولموشدو بيلگي‌سايار باشينا اوتورالي؟ اوووو! ايکي ساعاتدان يوخاري اولموش، فايداسيز ايکي ساعات. يولداشلاري يئمه‌يه چاغيرميشدي، «سينان» سينمايا، اودا يولداشلاري ايسه فال پارتيسينه... هئچ بيريني قبول ائتمه‌ميشدي. ايندي بو اوزاق اينترنت كافه‌ده گله‌جک او مئيلي گؤزلوردو. داها نه قدر سوره‌جکدي؟ کيم بيلير بلکه، بوگون حسابينا گيرمه‌ميشدي، گيرمه‌يه‌جکدي؟ گيرسه ده يازاجاغي داها اؤنملي اينسانلار واردي بلکه... بلکه ده اونون اونا اؤنم وئردييي كيمي او، اونا اؤنم وئرميردي؟ يوخ جانيم!

او دا ان آز سئوگي قدر دَير وئريردي سئوگي‌يه، يازديغي هر مئساژين قارشيليغي ائرته‌سي گونه گلير، ايندي ائرته‌سي گون اولمادي بير نئچه گون ايچينده گئجيکمه‌نين اؤزورونو ده ايچينده يازان مئيل حسابيندا بکليردي سئوگي‌يي. آيلار اولموشدو يازيشمايا باشلايالي، بير داها بئله آخساماميشدي مئيل‌لر. تا کي، بو هفته‌يه قدر. هفته باشيندان بري تک بير سطير گلمه‌ميشدي اوندان. حئيران‌ايدي! اويسا اؤزو يازاجاق بير شئي بولاماسا - کي، بو دا آيدا ايلده بير يول اولوردو- فوروارد ائديلميش مئساژلار گؤنده‌ريردي، گوزل سؤزلر، گولمه‌جه‌لر يا دا خيردا بير اي- کارت. اوچونجو گون داياناماميش، اونو مراک ائتديييني[1] سؤيله‌دييي بير مئيل گؤندرميشدي: هااااااي، اؤلدون مو قالدين مي؟ خبر وئر دااااا! دييه شاکالاشميشدي (شوخلوق ائله ميشدي)اوسته‌ليک. سس- مس يوخدو يينه قارشي طرفدن، بئشينجي گون لاپ دوغرودان مراکلانير اولموشدو، حتّي بير ساپيغين[2] اونون حسابينا گيريب گلن مئساژلاري اوندان اؤنجه اوخويوب سيلديييني بيله دوشونموشدو. ايييسي مي اوتوروب بوتون گون بکله‌يه جکدي بيلگي‌سايار باشيندا، هم ايچينده ده بير شوبهه قالماياجاقدي بئله‌جه. بوگون سكکيزينجي گون ده بيتميشدي. يئنه ان قيسا بير يازي بيله گلمه‌ميشدي. اونوتدو مني دييه گئچيردي ايچيندن. "طبيعي، نه بکليردين کي!" دييه قيزدي اؤزو اؤزونه. اله سالدي بير سوره بو اوشاقليغييلا. هئچ گؤرمه‌دييي، ساده‌جه يازيلارييلا، شعرلرييله تانيديغي بيري ايدي قارشيداکي و سونونا قدر اؤيله اوزاقدا اؤيله بيلينمز قالاجاقدي. نه بکليردي کي؟ اؤزو ده بيلميردي. خيياليندا بو يازيلاري يازان آدامي بير ياخشي جانلانديرا بيلميردي. نه زامان گؤزلريني يومسا ساده‌جه بير جوت ال گؤروردو، بارماق ايزلرينين توشلارينا توخونان گوزل بارماقلار... بو الين کيمه عايد اولدوغونو گؤرمه‌يه چاليشير، ديدينير (باشيني قاتير) آما خييالي بير آندا داغيلان سيس (مئه) كيمي يوخ اولوردو. ائرته‌سي گون سولوغو[3] يينه بيلگي سايار باشيندا آلدي. بکله‌دي، بکله‌دي. بير نئچه يولداشيندان گلن مئيل‌لري تئز تانيدي.

اصلينده بئله بکله‌مک پيس ده اولموردو. ذاتن تعطيلات‌دايدي. گؤره‌جك باشقا بير ايشي يوخودو، يولداشلاريندان چوخو ائوه دؤنموشدو. قالانلار ايسه اونو چاغيرسا دا، او چوخ ايسته‌ميردي. بو دوشونجه‌لره دالميش‌کن يئني بير مئساژ گلدي. آدرئس چوخ يابانجي‌ايدي اونا. بيراز تردد ائتديکدن سونرا اوره‌يي قورخو ايچينده آچدي. مئيل، "سلاملار من «آکين»ين ياخين يولداشييام. اؤزونو ترافيک قضاسيندا الدن وئرديك، تئلفون دفتري‌نين آراسيندا سيزين مئيل آدرئسينيزي تاپديق و خبر وئرمه‌يي اويغون گؤردوک. باشيميز ساغ اولسون" دئيير و داوام ائديردي آما مئيلين داوامي اونو ايلگيلنديرميردي آرتيق. اوخوياجاغيني اوخوموشدو ذاتن. نئچه‌اينجي اؤلوم خبري ايدي بو، بو نئچه‌اينجي دَير وئردييي اينساندي ايتيب گئدن؟ يئنه بوتون اوغورسوزلوغون اؤزونده اولدوغونو دوشونوردو. سونرا هاداران- پاداران گليردي دوشوندوکلري، آما نه فرق ائدردي کي، ايندي چوخ سئودييي، هر گون يازديقلارييلا اونون گونونه رنگ قاتان او آدام آرتيق يوخدو. پيس بير شوخلوق اولاماز مي ايدي؟ نه ياپاجاقدي ايندي؟ بکله‌دييي مئيل گلميش مي ايدي؟ ياني نه؟ قالخيب گئده‌جک و بير داها گلمه‌يه‌جک‌مييدي؟ بير داها او گوزل مئساژلاري هئچ گؤره‌مه‌يه‌جک؟ بير داها او اللري خييال ائده‌مه‌مه‌نين اوزونتوسويله دوغرولدو. "جئبيندن سيزه هله يوللاماديغي، يوللاماق ايچين دوغوم گونونوزو بکله‌دييي بير شعر تاپديق. اؤز صاحیبينه چاتميش بير مکتوب كيمي دوروردو همن اوردا. آشاغيدا اونون سيزين ايچين يازديغي سون شعري بولاجاقسينيز:

وار ميسين؟

بيليرم شاشيراجاقسان

سون سؤزلر كيمي گله‌جک قولاغينا

يوو يانيلميرسين ( يوخ سهو گؤرمورسن).

سون سؤزلر بونلار.

بو اوزاقليغي قالديرماق ايچين اورتادان

ساده‌جه بير اوفاجيک[4] حيس ديک، سن منه من سنه

ايکي سطير لاف، ايکي ميصراليق شعرديک

بير گولوجوکدوک

بير سورو[5] ايسارَتي

اويسا داها فازلاسيني ايسته‌مک منجيلليک[6] مي؟

آنلا آرتيق!

سؤزلر وار آما سطيرلر يئتَرسيز

دوشونجه‌لر وار آما سفحه لر يئتَرسيز.

دويغولار وار آما ميصرالار يئتَرسيز.

آنلا آرتيق بيليرم بير سن وار، بير ده من

اوزاق اوزاق يئرلرده، آيري آيري شهَرلرده.

آما دئسَم کي، سنه:

بيز دئمه‌يه وار ميسين؟

دئسَم کي، نه سن اولسون، نه ده من.

بير بيز اولاليم.

وار ميسين؟

«آکين ييلديز»"

شاشيرميشدي، ايسته‌مزدي اطرافداکي لارين گؤزو اؤنونده آغلاسين. هئچ عادَتي دئييلدي نه ده اولسا. يوخسا آکين؛ «دائم نئجه حيسس ائديرسن اؤيله اول، باشقالاريني بوش وئر» دئييردي. ايندي هر زامانکي كيمي يئنه دينله‌‌‌‌‌‌ميشدي اونون سؤزونو. دئمک او دا آيني شئيلري حيسس ائتميش، او دا آرتيق بو اوزاقليغي قالديرماق ايسته‌ميشدي. دوغوم گونو گئچميشدي، هم ده يئنه بيلگي‌سايار باشيندا. يئني بير ياشا داها گيرميشدي اوندا، يئپ- يئني بير ياش، يئپ- يئني اومودلار، آجيلار، موتلولوقلار. هر ياش اولقونلاشميش[7] بيراز داها اينساني، بئلکه ده ان چوخ بو ياشا گيردييينده اولقونلاشديغيني آنلاياجاقدي. ايللر سونرا آرخاسينا دؤنوب باخديغيندا کيم بيلير... "آکين! ذليل ائتسين، سني ايندي‌دن اؤزله‌ديم" دييه‌رک قيشقيريقلارا قويلاندي. ندن سونرا الي يانيت[8]ا گئتدي. آکينا گئج قالميش بير يانيتدي بو. ساده جه تک بير سؤزجوک يازدي: "واريم!" 

[1]- نگران اولدوغونو.

[2]- sapık= گمراه، منحرف.

[3]- soluk almak= تنفس كردن، نفس كشيدن.

[4]- خيردا، كيچيك، مختصر.

[5]- soru

[6]- خودخواهي.

[7]- كامل شدن، پختن، به كمال رسيدن.

[8]- yanıt= جاواب، پاسخ.