چوبان ییلدیزی

محمد اسماعيل دن بیر شعر

گله‌جک...

يوللاردا يورولان آرخادا قالار،

آما عيناديندان دؤنمز يوخوشلار.

يومورتا قابيغي يووادا قالار

چيخيب گله‌جه‌يه اوچاندا قوشلار...

بيزه گون دوغورسا صاباحا ياخين،

عشقين آناسي‌مي دئيَک گئجه‌يه.

کولو کئچميشلره قوشار اوجاغين،

توستوسو "گل" دئين بير گله‌جه‌يه...

ياز گليب کئچميشين يادينا سالار

گيزلي سئوگيسيني تورپاقلا دَنين.

سالخيم چيچک‌لري بوداقدا قالار

عطري گله‌جه‌يه اوچار ايده‌نين.

گئجه‌مي اؤيره‌نک گيريب يوخودان

گوندوز بو سوالين جاوابي يوخ‌مو؟

بوخارمي داشلانير قاينايان سودان،

بدن‌دن گؤيلره يا دا بير روح‌مو؟

نه وار دئييله‌جک خوش سؤزدن شيرين

دونني نه ايدي، صاباحي نه‌دير؟

تک بيرجه ميصراعسي قالان شاعيرين

الي گله‌جه‌يين اته‌يينده دير...

آري‌نين منزيلي گله‌جک‌دي‌سه،

کئچميشي گؤزلري دولان پتَک‌دي.

موساني داغلارا چکن نه‌ايديسه

مني ده غوربته او چکه‌جکدي...

سولار چاغلامادا گله‌جک دئيه،

گله‌جک عشقي‌ايله گؤيرمه‌ده دَن.

چيخدين‌مي، دؤنمه‌يه يول يوخ گئرييه،