جواد هيئت: آذربايجانين، باکي نين بوگونکو انکشافيني گؤرمک منه حياتين بوتون نعمتلريندن شيريندير.
جواد هيئت: آذربايجانين، باکي نين بوگونکو انکشافيني گؤرمک منه حياتين بوتون نعمتلريندن شيريندير.
جواد هيئتله دانيشيق
آذربايجان خالقي قديم تاريخي، زنگين مدنيتي ايله تانينديغي کيمي، عصرلر بويو دونيا شؤهرتلي شخصيتلري ايله ده سئچيلميشدير. لاکين يوزايللر بويو آذربايجان تورپاقلاري ياد ائلليلر طرفيندن ايشغال، تالان ائديلديگي کيمي، اونون تاريخي، مدنيتي، او جوملهدن گؤرکملي شخصيتلري ده دهشتلي رئپرئسسييا[1]لارا معروض قالميشدير. بؤيوک تاريخي شخصيتلريميزين اثرلري نين، حتّی ميللي منسوبيتلري نين باشقا خالقلار طرفيندن منيمسنيلمهسي بونلاردان دا دهشتليدير. معلوم اولدوغو کيمي، يالنيز «حيدر علييئو»ين سياسي حاکيميتي دورونده يوخاريدا قئيد اولونان تجاووز پروسهسي نين قارشيسي قطعيتله آلينميشدير. همين دورده آذربايجان خالقي، اونون تاريخي، مدنيتي و ائلجه ده گؤرکملي شخصيتلري دونيادا اولدوغو کيمي تانيديلميشدير. زامان اؤتدوکجه حيدر علييئو شخصيتي نين بؤيوکلوگو داها آيدين گؤرونور، بو داهي اينسانين ابديته قوووشماسيندان کئچن زامان مسافهسي بيزدن اوزاقلاشديقجا اونون اؤلمز ادعالاري اوجا زيروهلر فتح ائدير، اوجالديقجا دا اؤز توکنمز شؤلهسي ايله آذربايجانين تاريخينه و معاصيرليگينه سؤنمز شفق ساچير. اولو اؤندر حيدر علييئوين آذربايجان خالقي قارشيسينداکي خيدمتلري ايله باغلي فيکير و ملاحظهلريني اؤيرنمک اوچون بو ايلين ماييندا 85 ياشيني تاماملاميش دونيا شؤهرتلي جراح، گؤرکملي عاليم و ايجتيماعي خاديم «جاواد هئيت»ه مراجعت ائتديک.
- جاواد هيئت 85 ايلليک يوبلهييني هانسي احوال- روحيه ايله قئيد ائتدي؟ - ايلک نوبه ده، منه گؤستريلن سونسوز ديقته گؤره پرئزيدئنت ايلهام علييئو باشدا اولماقلا، بوتون آذربايجان خالقينا مينتدارليغيمي بيلديريرم. آذربايجان جمهوريتي نين الده ائتديگي نايليتلري سونسوز سئوينج حيسي ايله قارشيلاييرام. خصوصيله قئيد ائتمک ايستهييرم کي، شوروي بيرليگي دورونده آذربايجان ديلي نين قارشيلاشديغي پروبلئملر مني يئنييئتمه ياشلاريمدان ناراحات ائتمهيه باشلاميشدير. حيدر علييئو بيرينجي دفعه سياسي حاکيميته گلديکدن سونرا توتاليتار شوروي رژيمي نين آمانسيز قاداغالارينا باخماياراق، آنا ديليميز دولت ديلي کيمي قبول اولوندو. بو، يوزايللر بويو حلّيني گؤزلهين ميللي مفکوره مسئلهسي ايدي. من 85 ياشيمي بؤيوک ايفتيخارلا قئيد ائديرم. چونکي اولو اؤندر حيدر علييئوين ايدهلري ياشايير، آذربايجان ديلي آيري خالقلارين ديللري آراسيندا ساييليب- سئچيلير، حؤرمتله قارشيلانير. هله روس ديلي نين حکمران اولدوغو شوروي دورونده حيدر علييئوين آذربايجان ديلينده ساعاتلارلا سربست و ثليث دانيشماسي مني واله ائديردي. من هميشه دوشونموشم کي، آنا ديليني سئومهدن اونو دريندن منيمسهمک اولماز. حيدر علييئو، سؤزون اصل معناسيندا، آنا ديليميزه توکنمز محبتي ايله هاميميزا اؤرنک اولموشدور. سئوينيرم کي، اولو اؤندريميزين معين ائتديگي ايشيقلي يول پرئزيدئنت ايلهام علييئو طرفيندن اوغورلا داوام ائتديريلير. آذربايجانين دولت باشچيسي خالقيميزا بؤيوک محبتله، ايناملا و جسارتله اؤلکهميزي ايشيقلي گلهجگه دوغرو آپارير. من پرئزيدئنت ايلهام علييئوه داها بؤيوک و محتشم قلبهلر، آذربايجان خالقينا خوش رفاه و امين-آمانليق آرزولاييرام.
- آذربايجانين اينديکي اينکيشاف سويييهسي سيزي قانع ائديرمي؟ - خوشبختليک ائله بير مفهومدور کي، او، هر آداما قيسمت اولمور. بو معنادا من حقيقتن چوخ خوشبخت اينسانام. ياخشي ياديمدادير، اولو اؤندر حيدر علييئوين 1992-جي ايلده «نخچيوان» قزئتينده «اينسان خالق اوچون ياشاياندا خوشبخت اولور» سرلوحهلي مصاحبهسي درج اولونموشدو. مصاحبه، سؤزون اصل معناسيندا، حيات فلسفهسي ايله زنگين فيکيرلر توپلوسو ايدي. همين مصاحبه مني چوخ دوشوندوردو. دئيه بيلرم کي، من ده دوغما وطنيمه، آنا ديليمه و خالقيما قلباً و روحاً باغلييام. هر بير اينسانين قلبينده گؤزل آرزولار کؤک سالير. منيم ده ان بؤيوک آرزوم آنا ديليميزي ساييلان، مملکتيميزي گؤزل و فراوان، خالقيميزي آزاد گؤرمک اولموشدور. آرتيق عؤمرومون 85 ايلي آرخادا قالميشدير. بو اوزون زامان کسيگينده دونيادا چوخ شئي دييشميشدير. بو دييشيکليکلر ايچينده خالقيميز اوچون ان ديَرليسي و تاريخي اهميتي ايله سئچيلهني آذربايجان جمهورتي نين موستقيلليگيدير. موستقيلليگي قازانماق نه قدر چتينديرسه، اونو قورويوب ساخلاماق، انکشاف ائتديرمک، مملکتي گؤزللشديرمک داها چتيندير. من سئوينيرم کي، پرئزيدئنت ايلهام علييئو بوتون بو چتينليکلره عزملهسينه گرير. مملکتيميز گوندن-گونه گؤزللشير. دوغما باکيميز قيسا بير واختدا بؤيوک انکشاف يولو کئچهرک نيويورکون سويييهسينه ياخينلاشميشدير. آذربايجانين، باکي نين بوگونکو انکشافيني گؤرمک منه حياتين بوتون نعمتلريندن شيريندير.
[1]- repression = سركوب، سركوبي.
عيوض بيات، 1360(ائيواز بايات)، زنگان.