چوبان ییلدیزی

آی قارداش

پرويز سودي

گئتمه‌يه ایذن آلمیشام، چک اگنیمه «چَپکَن[1]»لری

چیخمیشام اندازه‌دن، سیندیرماقیم‌لا من‌لری

لاله‌لر«گَردک[2]»لرینده آلدیریب‌لار قاش‌لارین

بخته‌ورلیک یئددی گؤی‌دن سسله‌نیر «ارگن[3]»لری

«زوربا گلمه[4]»، دویغوم ایستیر، ییرتا «جیندا[5]» جیسمیمی

باغرینا باسماق چاغی، وآللاه ساری سوسن‌لری

هه! دئییلمیر، آغری‌لار مولکونده چوخ چیرپیندیغیم

ایستیرم، باشدان پریشان باشلایام شیون‌لری

یولدا طوفان‌لار دئییرلر، چیرپاجاق‌دیر قایغیمی

وارلیغیم‌لا آچمیشام، بیر قول قانات یئلکن‌لری

آت نالی، قالخان دؤشو، قداره‌لر کسگینلیگی

ایندی دای قورخوتماییر؛ «تیسان[6]» داکی جوشن‌لری

دویموشام مئی‌دن، یانی میخانه‌لردن اینجیگم

دولدورون چکسین باشا «دالغا» چاناقدا چن‌لری

[1]- چپکن: لباده

[2]- گردک: توی اوتاغی، حجله

[3]- ارگن : ائولنمه لی اوغلان

[4]- زوربا گلمه : گوج گلمه

[5]- جیندا : کؤهنه پارچا

[6]- تیسان: ایچری دام، آنبار