چوبان ییلدیزی

- سؤزو بير باتمان بالينان سينيلمیر. (چوخ آجی دانیشیر، سؤزو زهر کیمی دیر)

- مين جيرا بير جیر ويرماق. (مین یارایا بیر یارا آرتیرماق)

- یونگول سققل ائله‌مك. (ارزش‌دن سالماق، آیاغین آلتین بوشالتماق، بیریني خارابلاماق)

- بورنونون يئليني آلماق. (حالینی توتماق، اوزونو آزالتماق)

- فلانی‌نین آدي كورك‌لره بيره سالير. (جماعتی ناراحت ائدیر، آدینی ائشیدنده بیر یئرده دورا بیلمیرلر ائله بیله‌سن بدن‌لرینه بیره دارییب)

- قووورقا كيمي چيتلايير. (حیرصیندن بیر یئرده دورا بیلمیر، هئی آتیلیب دوشور)

- سني گؤرمك‌له هووو آلينير. (یئلی چیخیر، راحات‌لاشیر، قارنی‌نین سانجیسی توختدور)

- پالانيني آلارام. (حالینی توتارام، اوزونو آزالدارام)

- بيليرم داش كيمه آتيلر. (بيليرم هدف كيم دير، منظور كيمه دير)

- سؤزون توونو گتيرمك. (سؤزون آغيرليغينا دؤزمك)

- چيرتلايان قورقا كيمي، چيرتيلتيسي ائشيديلير. (میزیلداماغی ائشیدیلیر، بیر یئرده دورا بیلمیر، هئی بیر سؤز تاپمادان میزیلداییر)

- بیلسه ايديم بئله‌دي، سؤز هئيبه‌مي ده اؤزومله گتيررديم. (حاضر اولارديم، حاضر گلردیم، جاوابینی وئرردیم)

- بير آيريسينا ايپ باغلايين. (بير آيريسينا گير وئرين، آيريسي‌نين ايشينه چؤپ اوزادين)

- بیزي ده بير پوللوق ائله‌دين. (بيزي ده خراب ائله‌دين، بی ارزش ائله‌دين)

- يومورتا ايچينده خوروز دؤيوشدورمك. (موقعیت دن سوء استفاده ائله‌مک، بیرینی گیره سالیب اینجیتمک)

- اليني بالا باتيريب جماعتين آغزينا باساندان سونرا دئييرلر: قارنيمي زهر كسدي. (قدر و ارزشيني بيلميرلر، دوز يئييب دوزدان سينديريرلار)

- ايليگي رعيتدن دير، دني ائلدن، سویو گؤلدن دير. (اؤزوندن هئچ زادي يوخدو، هر نه واري اوندان بوندان دير)

- سؤزلريمين آلاغيني ائله‌يه بيلمزسن. (دئديگيم سؤزلري باشا دوشمزسن، سؤزلريمه فرق وئره بیلمزسن)

- خوروز دؤيوشدورن اورتادا قويوب قاچسا دئيرلر: قورساقسيزدير. (جسارتی یوخدو، قورخاق دیر)

- خوروزونون ماميزيني ياغلا. (آداميني حاضيرلاييب مئيدانا يوللا، حاضير اول)

- آللاه داغينا باخار قار سالار. (آدامينا باخيب عقل وئرر، هر كسين ظرفيتي‌جه وئرر)

- الده كي بارماق‌لارين بئشي ده بير اولماز. (هامي آدام‌لار برابر اولماز)

- كلله تَبه‌نه ورما. (اؤزونو ایتیرمه، ال آیاق اولما)

- نه‌يه مين آرخين سويونو بير بیرينه قاتيرسان؟ (نه‌یه ايش‌لري بير بيرينه قاتيرسان، هر شئيي قاتيرسان)

- فلاني‌ني سؤزده يورماق اولماز. (سؤزده باغلاماق اولماز، جاواب‌سيز قالماز، سؤزده كم گتيررمز)

- خوروزونون پيپيگي هله جيريليب گؤزونون اوستونه ساللانماييب. (هله آدام اولماييب، هله ده داشلانير.)

- قويروغونو ياخشی قئيچله‌دن. (ديليني یاخشی كسدین، آغزين باغلادين، حالینی توتدون)

- آخين‌لا دؤیوشمه‌لي‌ييك، آخينين اوزونده كي كؤپوك‌لرله يوخ. (ايشين كؤكونو تاپمالي‌ييق. مسئله‌لري ريشه‌دن حل ائله‌مه‌لي‌ييك)

- هؤوله- هؤویشنه‌سيز ياتان مال، يوخودا دا كوروشنه گؤرر. (قورخوسوز ياتان آدام، يوخودا دا ياخشي يوخولار گؤرر، اضطرابي اولماز)

- قورد دئديك قولاغي چيخدي. (دانيشديغيميز آدام تئز تاپيلدي، زنگاندا «قورد دئديك قولاغي شَكلندي» ده ايشله‌نيلر)

- سنين قارانجا دولانیريق. (هميشه سنين كؤلگن‌له واريق. هميشه الميزين آلتينداسان، كؤلگن كيمي سنينله‌ييك)

- ديلين آجي اولسا دا، دوزلوسان. (آجی سؤزلر دئسن ده، یاخشی آدام سان، حق دئييرسن)

- قوردو یوواسیندا گؤرمک ده، گؤرمه‌یینه دَیَر. (بو ایشین زحمتی اولسا دا، گؤرمه‌یینه دیَر، ارزشی یوخاری‌دیر)

- منه آتیلان داش‌لار قیزیل گوله چئوریلیر. (ایش‌لر یولونا گئدیر و دشمن‌لرین اوخلاری داشا دَییر)

- پیشیک اؤلدوروب گؤز قورخوتماسام منه مینیک وئرمز. (قؤزونو قورخوتماسام سؤزومه باخماز)

- لوولو باشیما بیر داوا قیلارام. (بلالی باشیما بیر چاره تاپارام)

- یئمیش چؤپ‌سوز اولماز. (هر ایشده بیر هدف وار و هئچ ایش هدف‌سیز گؤرولمز)

عباسي، حيدر، تبت يدا، تهران: نشر اوحدی، 1387.