بیر شمع کیمی یانماقدا گرکدیر
سعیدلریمیزه اتحاف
بیر شمع کیمی یانماقدا گرکدیر
آیدینلیغا چیخماق ایچین.
بیر قار کیمی یاغماقدا گرکدیر
گؤیرتمک ایچین
گؤیرمک ایچین
یئنیلنمک
یئنیلتمک
و گلهجهیی ساغلاماق
بیر صاباح ایچین
یاخین بیر صاباح.
یاغیش اولوب یاغماق
بیر سئل کیمی آخماق
چیرکینلیکلری یوماق ایچین
آیدین بیر صاباح ایچین.
بیر داغ اولماق
گوجلو و یئنیلمز
ساوالان کیمی
سن کیمی
هر تورلو بوغاناقلاری یئنمک ایچین.
دیریلمک
دیرنمک
یاشاماق
و اؤزگو صاباح ایچین.
سن یانیرسان
اونلار دا یانیر
بیزده یاناق
اورکلری ایشیقلاندیرماغا؛
قارانلیقلاری آیدینلاشدیرماق ایچین
بیر شمع کیمی یانماقدا گرکدیر.
1390/08/27
+ نوشته شده در جمعه ۲۷ آبان ۱۳۹۰ ساعت توسط ائیواز
|
عيوض بيات، 1360(ائيواز بايات)، زنگان.